1/3

Welkom

Welkom bij Croes Moeke

Update: Vanwege de aangepaste COVID maatregelen vragen we je om te reserveren voor een bezoek aan Croes Moeke, dit kan via Tel: 06 54338073. Bij je bezoek verzoeken we je om een registratielijst in te vullen, dit is vrijwillig maar draagt bij aan het zo voorspoedig mogelijk laten verlopen van een bron- en contactonderzoek bij een eventuele Covid-19 besmetting. Alvast bedankt voor je medewerking!

--------------------------------------------------------------------------------

Moog ik veurstelle : De nieje eigenare van Croes Moeke!

 

Met veul plezeer en ‘n good geveul ken ik jullie meideile det daes club mingese per 1 jannewarie 2021 ‘t kefee aover gieët naeme. Ik bin d’r trots op det Bram Verhaegh, Henk Sturme, John Wijnhoven, Leon Thijssen en Tren van Enckevort d’r alles aan gaon daon um ‘t kefee vör ‘t derp te behaoje.

 

Zoeëas geej wal zult wieëte zien ‘t bijna allemaol vaste gaste die al jaore beej mich aover de vloor kaome. Toen ik d'r 'n paar ‘n diek half jaor geleeje in vertroewe naam en zei det ik van plan waas um te stoppe met ‘t kefee, kwaam dit vör eur as ‘ne donderslaag beej heldere haemel. Ze vonge ‘t erg jaomer en ok dapper van mich mar ze makde zich tegeliêkertiêd ok zörg aover de toekomst. Wat as d’r gin kefee mier is op daes lokatie? Hoe gieët ‘t dan met de kermis, met carneval en neum zoeë mar op. Ze vonge ‘t stuk vör stuk jaomer as dit kefee verlaore zeuj gaon. Heej zit ‘n compleet verleeje, heej aan d’n tap zien de merste jóng kelkes, kaerel gewaore!

 

Det heat daes club mingese daon besloête um de köp beejieën te staeke en same te gaon kiêke nar de toekomst waorin ‘t kefee zaeker blieft bestaon. Daes club zal nit zelf achter d’n tap gaon staon, det kenne angere mingese veul baeter! Wie det zulle zien zal de kaomende mande bekend waere. Feit is det ze ‘t op zien Zaerums gaon daon, ok al is d’r ieëne Kroeënekraan beej…

 

Haoj veural de kaomende tiêd ozze Facebookpagina en Instagram in de gate want d’r kump nag veul mier niejs nar boête dit jaor! As ge daes kaerels ‘n bietje kent wit ge det die absoluut nit stil kunne zitte. Die wille draan in 2021!

 

Jónges, hieël veul succes in de toekomst names

 

Paul Bertholet, Anouk Lucassen, Loes Bertholet

en de rest van team Croes Moeke!

Spaar jij bij CroesMoeke?

© 2020 Croes Moeke  -  Raadhuisstraat 26 Sevenum  -  E: info@croesmoeke.nl